...........................................................................................................................................

သြော်........သူတို့

(၂) သြော်.....မိန်းမ
တွေ့စ
ဟင်း..မအူမလည်လေး... တုံးအအ ပုံစံလေးနဲ့...ချစ်ဖို့ကောင်းတယ်

ချစ်စ
သူ အရမ်းရိုးသားတာပဲ။ စကားလည်း နားထောင်တယ်။ သနားကမားလေး..ငါ့သူနဲ့ပဲ လက်ထပ်မယ်။

လက်ထပ်ပြီး (၁)နှစ်
သူ မဆိုးဘူး။ ဗဟုသုတလည်းရှိတယ်။ ငါ့ကိုလဲ ကြင်နာတယ်။ ယောက်ျားပီသတယ်။

လက်ထပ်ပြီး (၅)နှစ်
သူတော်မှန်း အခုမှ သိတော့တယ်။ တစ်ခြားယောက်ျားတွေနဲ့ မတူဘူး။ ကြိုးစားတယ်။

လက်ထပ်ပြီး (၁၀)နှစ်
သူဟာ ဒီကမ္ဘာမှာ အကောင်းဆုံး ယောက်ျားပဲ။ သူသာမရှိရင် ငါဘယ်လို အသက်ရှင်ရ မလဲတောင် မသိဘူး။

လက်ထပ်ပြီး အနှစ်(၂၀)
သူ့ရဲ့ ကောင်းကွက်တွေ တစ်ဖြည်းဖြည်း နည်းလာပါလား...

လက်ထပ်ပြီး အနှစ်(၃၀)
မကောင်းတာတွေ ပိုပိုများလာပါလား။ ပျင်းလည်း ပျင်းသေး၊ တုံးလည်း တုံးသေး၊ ခေါင်းက မာသေး...

လက်ထပ်ပြီး အနှစ်(၄၀)
တုံးတုံးအအ ဒီအဘိုးကြီးကို နောင်ဘ၀မှာ ဘာပဲလာပြောပြော မယူဘူး...

ယောက်ျားသေဆုံးပြီးနောက်
ငါ့ကို တစ်ယောက်တည်း ရက်ရက်စက်စက် ထားသွားပြန်ပြီ....
......................................................................................................................................................................

ယောက်ျားများကို အန်စေသော မိန်းမ

၁. အစာစားလျှင် ပလပ်ပလပ်မြည်အောင် စားတတ်သော မိန်းမ
၂. ဆံပင် ရှုပ်ပွပြီး လက်သည်းများ မည်းညစ်နေသော မိန်းမ
၃. ရင့်ကျက်သယောင် ဟန်ဆောင်ပြီး ဆရာလုပ်တတ်သော မိန်းမ
၎. အသားအရည် ကြမ်းတမ်းသော မိန်းမ
၅. အခြယ်သလွန်ပြီး ခေတ်ရှေ့ပြေးသော မိန်းမ
၆. အထဲကို ဖောက်ထွင်း မြင်နိုင်လောက်အောင် အပြင်အင်္ကျီပါးပါး ၀တ်တတ်သော မိန်းမ
၇. လမ်းလျောက်လျှင် တစ်ဖပ်ဖပ် မြည်အောင်လျောက်သော မိန်းမ
၈. အသံထွက်အောင် လေချဉ်တက်ပြီး နှာခေါင်းပေါက်နှိက်တတ်သော မိန်းမ
၉. တစ်ပျစ်တောက်တောက် ရွတ်တတ်ပြီး ဖြတ်ထိုးဥာဏ်နည်းသော မိန်းမ
၁၀. မျက်စိကို ဓာတ်လွှတ်နေသကဲ့သို့ ညှိ့ကစားတတ်သော မိန်းမ
၁၁. မျက်ရည်အကျလွယ်ပြီး အငိုသန်သော မိန်းမ
၁၂. အိမ်ထောင်ကျပြီးသော်လည်း လျှပ်ပေါ်လော်လီနေတတ်သော မိန်းမ
၁၃. အသုံးအဖြုန်းကြီးသော မိန်းမ
၁၄. ခြေသလုံး တုတ်ပြီး စကပ်တို ၀တ်တတ်သော မိန်းမ
၁၅. သဘောထား သေးသိမ်သော မိန်းမ
၁၆. သရေစာ မစားဘူး ၊ ဒိုင်ယာရီ မရေးဖူးဘူးဟုဆိုသော မိန်းမ
၁၇. မိတ်ကပ်မလိမ်းတတ်ဘဲ လိမ်းထားသော မိန်းမ
၁၈. ပေါ့ပေါ့တန်တန် နေတတ်သော မိန်းမ
၁၉. ဟာသဥာဏ် မရှိသော မိန်းမ
၂၀. မြူဆွယ်တတ်သော မိန်းမ
၂၁. သူငယ်ချင်း ချစ်သူရီးစားကို ထမင်းမဖိတ်ကျွေး လက်ဆောင်မပေးဖူးသော မိန်းမ
၂၂. အပြောအဆို မတတ်သော မိန်းမ
၂၃. ယောက်ျားအများကို တုံးအတဲ့ တဏှရူးတွေဟု ထင်သော မိန်းမ
၂၄. လူအများရှေ့တွင် ခြေအိတ်ကောက်စွပ်တတ်သော မိန်းမ
၂၅. အချိန်းအတွေ့ ခံချင်ပြီး ချိန်းတွေ့ရင် ပျက်ကွက်တတ်သော မိန်းမ
၂၆. ရုပ်ဆိုးပြီး စိတ်ပါပုပ်သော မိန်းမ
၂၇. လိုအပ်သည်ထက် အ၀လွန်သော မိန်းမ

ဘာမှကို မကျန်တော့ပါလားနော်...အန်စေတဲ့အထဲမှာ ကျွန်မလဲ အပါအ၀င်ပါ...
ဆဲမယ်ဆိုရင်လည်း ခံပါ့မယ်.....အဟဲ...ဖြစ်တတ်တာလေးတွေပါ....
ဝမ်းနည်းတာတွေပဲ ရေးနေလို့လဲ မဖြစ်သေးဘူး....တခါတလေ ပေါ့ပေါ့ပါးပါးပေါ့...
ဆီလျှော်အောင် ဘာသာပြန်သည်။

မိန်းမများကို အန်စေသော ယောက်ျား

၁. ကိုယ့်အောင်မြင်မှုကို ပါးစပ်ဖျားက မချတတ်သော ယောက်ျား
၂. ခေါင်းလိမ်းဆီကို ရွဲနစ်နေအောင် လိမ်းတတ်သော ယောက်ျား
၃. ဆီများရွဲနစ်နေသော ဆံပင်တွင် ဘောက်များကပ်နေသော ယောက်ျား
၎. ရေမချိုးဘဲ အနံ့ပြင်းသော ယောက်ျား
၅. နှာခေါင်းထဲက အမွေးများ နှာခေါင်းပေါက်အပြင်ထိ ရှည်ထွက်နေသော ယောက်ျား
၆. လေကြီးပြီး ကြွားဝါတတ်သော ယောက်ျား
၇. မိန်းကလေးများကြားတွင် မျက်နှာပန်းလှသည်ဟု ထင်နေသော ယောက်ျား
၈. အရာရာတွင် တွန့်တိုတတ်ပြီး အထူးသဖြင့် မိန်းကလေးနှင့်အပြိုင် တွန့်တိုတတ်သော ယောက်ျား
၉. အာပုပ်စော်နံသော ယောက်ျား
၁၀. ငွေကြေးအားကိုးပြီး မြက်နုကြိုက်သော နွားအို...အဲလေ..ယောက်ျား
၁၁. လက်ရဲ ဇက်ရဲ တဏှာယောက်ျား
၁၂. မိန်းကလေးနှင့် တခါချိန်းတွေ့ပြီး ဟိုလိုလို ဒီလိုလို ထင်အောင် ပြောတတ်သော ယောက်ျား
၁၃. ချက်အောက်ပိုင်း အရာများဖြင့် အမြဲဟာသ လုပ်ပြောတတ်သော ယောက်ျား
၁၄. မိန်းကလေးအထာ ငါနှပ်တယ်ဟု အမြဲပြောတတ်သော ယောက်ျား
၁၅. ကြမ်းတမ်းသော ယောက်ျား။ အထူးသဖြင့် ပါးစပ်ပြောရင် လက်ပါ ပါတတ်သော ယောက်ျား
၁၆. ရုပ်ကိုချစ်တာ မဟုတ်ဘူး.. စိတ်ထားကို ချစ်တာဟု မိန်းကလေးတိုင်းကို ပြောတတ်သော ယောက်ျား
၁၇. အိုင်တွေ့တိုင်း ခြေဆေးတတ်သော ယောက်ျား
၁၈. ဘာမဆို ငါသိတယ် တတ်တယ်ဟု ထင်နေသော ယောက်ျား
၁၉. စကားပြောပြီးနောက် နုတ်ခမ်းဘေးတွင် တံထွေးမြုပ်များ ကပ်ကျန်ခဲ့တတ်သော ယောက်ျား
၂၀. သားသမီးများက တစ်ခုခုမေးလျှင် "နင်တို့အမေကို သွားမေး" ဟု ပြောတတ်သော ယောက်ျား
၂၁. ဆေးလိပ်သောက် ကွမ်းစားပြီး သွားများ မည်းညစ်နေသော ယောက်ျား
၂၂. မိန်းမ၏ စေညွှန်ရာတွင် ကနေရသော ယောက်ျား
၂၃. နိုက်ကလပ် မသွားဖူးဘူးဟု ပြောတတ်သော ယောက်ျား
၂၄. စကားတစ်ခွန်းကို ကွေ့ကောက်လိမ်ပတ်ပြီး သုံးခွန်းဖြစ်အောင် ပြောတတ်သော ယောက်ျား
၂၅. ပိုက်ဆံရှိသော မိန်းကလေးများကိုသာ ရွေးချစ်တတ်သော ယောက်ျား
၂၆. မီးဝါကို ဖြတ်မမောင်းဘဲ ကိုယ့်ကို စည်းကမ်းသေ၀ပ်သူဟု ထင်သော ယောက်ျား
၂၇. မိန်းမဆန်ဆန် ၀တ်စားတတ်သော ယောက်ျား
၂၈. အ၀တ်အစားကို တင်းကျပ်နေအောင် ၀တ်တတ်သော ယောက်ျား
၂၉. ရှိသမျှလက်ချောင်းတွင် ရွေလက်စွပ်များ စွပ်ထားတတ်သော ယောက်ျား
၃၀. အင်္ကျီကြယ်သီး သုံးလုံးအထက်ကို မတပ်ဘဲ ကိုယ့်ကို ဆက်စီလုပ်ချင်သော ယောက်ျား
၃၁. အထက်လူကြီးကို ဖားပြီး အိမ်ပြန်ရောက်လျှင် မိန်းမကို ရန်ရှာတတ်သော ယောက်ျား
၃၂. ချိန်းတွေ့တိုင်း မိန်းကလေးများကို အကုန်အကျခံစေသော ယောက်ျား

ဒါလဲ ဘာမှကို မကျန်ပါလား...ကျွန်မရေးမိ အပြစ်ရှိ၏...အဆဲခံရန် အသင့်ပါ...း)
ဆီလျော်အောင် ဘာသာပြန်သည်။
...............................................................................................................................................

အော်...... မိန်းမ

မနက်နိုးလာတော့ ခေါင်းက အရမ်းကိုက်နေသည်။ ညက သူငယ်ချင်းတွေနှင့် အလွန်အကျွံ သောက်ထားသည်ကိုသာ သူမှတ်မိပြီး အိမ်ကိုမည်သို့ မည်ပုံ ပြန်ရောက်လာခဲ့သည်ကို သူ မမှတ်မိတော့။ အိပ်ရာပေါ်က အားယူပြီး သူထလိုက်သည်။ ကုတင်ပေါ်မှ ဆင်းမည်အလုပ် ခေါင်းရင်း ခုံပေါ်တွင် စာရွက် တရွက်ကို ဖိထားသော ရေတခွက်နှင့် အကိုက်အခဲ ပျောက်ဆေး တချို့ကို တွေ့လိုက်သည်။ ဘေးဘီကို သူ ကြည့်လိုက်မိတော့ ကုတင်ဘေးတွင် မီးပူတိုက်ပြီးသား အသင့်ဝတ်ရန် အ၀တ်အစားများကို တွေ့လိုက်ပြန်သည်။ ဒီနေ့ က ခါတိုင်းနေ့တွေနှင့် မတူ.... သူ့အတွက် နည်းနည်းတော့ ထူးဆန်းနေမိသည်။ ဆေးကို သောက်လိုက်ပြီး ရေခွက်အောက်က စာရွက်ကို သူယူကြည့်လိုက်သည်။ စာရွက်ပေါ်တွင်. . .

မောင်...
ခင် ဈေးသွားလိုက်ပြီ
မောင့် အတွက် မနက်စာကို စားပွဲပေါ်မှာ အဆင်သင့် ပြင်ထားပေးခဲ့တယ်။
နွေးနေတုန်း စားလိုက်ပါနော်...
မောင့်ရဲ့
ခင်

တခုခုတော့ တခုခုပဲ.. ညက မှုးမှုးနှင့် သူဘာတွေပြောမိ လုပ်မိလိုက်ပါလိမ့်.. လူမှန်းမသိ မူးနေတော့ သူ ဘာကိုမှ စဉ်းစားလို့ မရခဲ့။ မေးခွန်းပေါင်းများစွာနှင့် စားပွဲပေါ်က အုပ်ဆောင်းကို မ ကြည့်လိုက်သည်။ မနက်စာက အငွေ့ တထောင်းထောင်းနှင့် တကယ့် စားချင်စဖွယ်... ဘေးတွင် မနက်ပိုင်း သတင်းစာကို တင်ထားသေးသည်။ မနက်စာကို စားရန် သူထိုင်လိုက်စဉ် အခန်းထဲမှ သား ထွက်လာသည်ကို သူမြင်လိုက်တော့...

"သား...မနေ့ညက ဘာတွေ ဖြစ်သေးလဲ"
"အင်း.....မနေ့ညက ညဥ့်နက်မှ ဖေဖေမှုးပြီး ပြန်လာတယ်လေ.. အိမ်ရောက် တော့ မေမေကို အော်ငေါက်တယ်... နောက်ပြီး တွေ့ရာပစ္စည်းတွေကို ရိုက်ခွဲတယ်..."

သား၏ စကားကို သူကောင်းကောင်း သဘော မပေါက်နိုင်သေးဘဲ ထပ်မေးလိုက်မိသည်။

"ဒါဆို ဖေဖေထလာတော့ တအိမ်လုံး သန့်ရှင်းနေတာပဲ။ ရိုက်ခွဲထားတဲ့ အရာ တွေလဲ မတွေ့ပါလား.. ဒါကို သား မေမေက စိတ်မဆိုးတဲ့ အပြင် ဖေဖေအတွက် အင်္ကျီတွေ မနက်စာတွေ အဆင်သင့် ပြင်ထားသေးတယ်"

"အော် အဲဒါလား...မနေ့ညက ဖေဖေမှုးပြီး ပြန်လာတော့.. မေမေက စိတ်ဆိုး တာပေါ့။ ဖေဖေ အော်ငေါက်နေတဲ့ ကြားထဲ မေမေက ဖေဖေ့ကို အခန်းထဲ ဆွဲခေါ်ပြီး အ၀တ်လဲမလို့ ဖေဖေ့ အင်္ကျီကို ချွတ်တော့ ဖေဖေက မေမေ့ကို
တွန်းထုတ်ပြီး အော်လိုက်သေးတယ်"

"ဖေဖေ ဘယ်လို အော်လိုက်သေးတာလဲ...သား"

"ကလေးမ...သွား..ငါ့အနားမလာနဲ့ .. ဝေးဝေးသွား.. ငါ့မှာ အိမ်ထောင်ရှိတယ် တဲ့"

သူ ကျေကျေနပ်နပ်ကြီး ပြုံးလိုက်မိသည်။ နောက် အငွေ့ တထောင်းထောင်း ထနေသော မနက်စာကို မြိုန်ရည်ယှက်ရည် သူစားလိုက်သည်။
.......................................................................................................................................................................................

ယောက်ျားနှင့် မိန်းမ

လောကကြီး၏ လိုအပ်မှုကြောင့် ဘုရားသခင်သည် ယောက်ျားကို ဖန်ဆင်းသည်။
ယောက်ျား၏ လိုအပ်မှုကြောင့် ဘုရားသခင်သည် မိန်းမကို ဖန်ဆင်းသည်။

ယောက်ျားလေးက မိန်းကလေးကို ချစ်မိလျှင် ကဗျာများရေးဖွဲ့ တတ်၏။
မိန်းကလေးက ယောက်ျားလေးကို ချစ်မိလျှင် စိတ်ကူးယဉ် အိပ်မက်မက်တတ်၏။

မိန်းကလေး၏ အကောင်းဆုံး ကိုယ်ပိုင် အရည်အချင်းမှာ ချွဲနွဲ့ခြင်းဖြစ်ပြီး
ယောက်ျားလေး၏ အရည်အချင်းမှာ လိမ်ညာခြင်း ဖြစ်သည်။

မိန်းကလေးအတွက် ကံကောင်းခြင်းမှာ "သူ ငါ့ကို တကယ်ချစ်ရှာသည်"ဟု ယုံကြည်ခြင်းဖြစ်ပြီး ယောက်ျားလေးအတွက် ကံကောင်းခြင်းမှာ "သူ့ကို ချစ်ရတာ ထိုက်တန်သည်" ဟု ထင်မြင်ခြင်း ဖြစ်သည်။

မိန်းကလေးတွင် ပြေပြစ်သော ရုပ်ရည်ရှိသင့်ပြီး ယောက်ျားလေးတွင် ပြည့်စုံသော ဓနဥစ္စာရှိသင့်သည်။

မိန်းကလေးက ယောက်ျားလေးကို နမ်းခြင်းသည် စိတ်ကြည်နူးမှုဖြစ်ပြီး
ယောက်ျားလေးက မိန်းကလေးကို နမ်းခြင်းသည် တဏှာ ဖြစ်သည်။

မိန်းကလေးများ ထွက်ပေါက်ရှာလျှင် အိမ်ထောင် ပြုတတ်ကြပြီး
ယောက်ျားလေးများ ထွက်ပေါက်ရှာလျှင် ကွာရှင်းတတ်ကြသည်။

ပါးနပ်ထက်မြက်သော မိန်းကလေးများက သူ့ချစ်ကိုရှာပြီး အိမ်ထောင်ပြုတတ်ကြ၏။
တုံးအသော မိန်းကလေးများက ကိုယ့်ချစ်ကိုရှာပြီး အိမ်ထောင် ပြုတတ်ကြသည်။

ရည်းစားဖြစ်ချိန်တွင် ယောက်ျားလေးများသည် မိန်းကလေးများကို ကြင်နာတတ်ပြီး အိမ်ထောင်ပြုပြီးချိန်တွင် ရက်စက်တတ်ကြသည်။

မိန်းမငယ်များသည် မျက်လုံးဖြင့် ယောက်ျားများကို ညို့စား တတ်ပြီး မိန်းမကြီးများသည် မျက်ရည်များဖြင့် လှည့်စားတတ်သည်။

မိန်းကလေးများအတွက် ကျမ်းကျိန်ဆိုသော ယောက်ျားသည် ရယ်စရာကောင်း၍ ဥစ္စာ ပစ္စည်းအရှာ တော်သော ယောက်ျားသည် ချစ်စရာကောင်းသည်။

ယောက်ျားလေးက ကွာရှင်းဖို့ စကားကမ်းလှမ်းခြင်းသည် မိန်းမကို စိတ်ကုန်လာခြင်းဖြစ်ပြီး မိန်းကလေးက ကွာရှင်းဖို့ စကား ကမ်းလှမ်းခြင်းသည် ယောက်ျားက သူ့ကိုမချစ်မှန်း သိလာခြင်းဖြစ်သည်။

မိန်းကလေးများ ယောက်ျားမယူဘဲ အပျိုကြီးအဖြစ် နေလျှင် နာတာရှည် ရှိသည်ဟု ထင်ကြပြီး ယောက်ျားလေးများ မိန်းမ မယူဘဲ လူပျိုကြီး အဖြစ်နေလျှင် စီးပွားလုပ်ငန်း ဖြင့် မအားလပ်ဟု ထင်ကြသည်။ (တကယ်တမ်း ဆိုရလျှင်.....မိန်းကလေးများ အပျိုကြီး ဖြစ်နေခြင်းသည် ယောက်ျားကောင်းများ မရှိသောကြောင့်ဖြစ်ပြီး ယောက်ျားလေးများ လူပျိုကြီး ဖြစ်နေခြင်းသည် မိန်းကလေးများက ပြန်မချစ်သောကြောင့်ဖြစ်သည်။ )

မိန်းကလေးများသည် လောင်းကြေးကို အချစ်တွင် ပုံအပ်တတ်ကြပြီး ယောက်ျားလေးများသည် လောင်းကြေးကို လက်ထပ်ခြင်းတွင် ပုံအပ်တတ်ကြသည်။

မိန်းကလေးများသည် မပြေလည်သော အိမ်ထောင်ရေးကို ခံနိုင်ရည်ရှိသော်လည်း မပြေလည်သော အချစ်ရေးတွင် ခံနိုင်ရည် မရှိကြ။

ယောက်ျားလေးများသည် မပြေလည်သော အချစ်ရေးကို ခံနိုင်ရည် ရှိသော်လည်း မပြေလည်သော အိမ်ထောင်ရေးကို ကိုယ်လွတ်ရုန်းချင်ကြသည်။

မိန်းကလေးများ လွမ်းဆွေးအားငယ်နေလျှင် ၀မ်းနည်းစရာ အချစ်ဇာတ်လမ်း ရှိခဲ့ဖူးသောကြောင့်ဖြစ်ပြီး ယောက်ျားလေးများ စိတ်ပျက် စိတ်ညစ်နေလျှင် အဆင်မပြေသော အိမ်ထောင်ရေးကြောင့်ဖြစ်သည်။

မိန်းကလေးများ နောက်အိမ်ထောင် ပြုခြင်းသည် မှားယွင်းမှုကို ရှာခြင်းဖြစ်ပြီး
ယောကျာ်းလေးများ နောက်အိမ်ထောင်ပြုခြင်းသည် ကံစမ်းခြင်းသာ ဖြစ်သည်။

မိန်းကလေးများက သူသည် ထိုယောက်ျားလေး၏ နောက်ဆုံးတယောက်အဖြင့် မျှော်လင့်တတ်ကြပြီး ယောက်ျားလေးများက သူသည် ထိုမိန်းကလေး၏ ပထမဆုံးတစ်ယောက်အဖြင့် မျှော်လင့်တတ်ကြသည်။

အဟဲ့....တခါတလေ ပေါ့ပေါ့ ပါးပါးပေါ့။ သဘောကျလို့ ဘာသာပြန်ထားတာပါ။ ပလန်းနက်မှာ တင်တုန်းက အပြောအခံရဆုံး ပို့စ်တခုပါ။ အမှန်တွေပဲလို့ မဆိုလိုပါဘူး။ တချို့လဲ မှန်ပါတယ်။ တချို့က မြန်မာလူမျိုးမှာ မရှိလောက်ပါဘူး။ ကျေးဇူးတင်ပါတယ်....:)
...........................................................................................................................................................................................

ယောက်ျားများကြောက်သော မိန်းမ

ကြည့်ရတာ စိတ်ဝင်စားကြတဲ့အတွက် ထပ်တင်လိုက်ပါတယ်။ ကျွန်မလည်း ဒီ(၁၀)မျိုးထဲက အနည်းဆုံး ၇ မျိုးလောက်တော့ နည်းနည်းစီပါ ပါတယ်။ အချိန်ယူပြီး ၀င်ရောက်ဖတ်ရှုတဲ့အတွက်လည်း ကျေးဇူးတင်ပါတယ်။

ဘယ်လို မိန်းကလေးမျိုးကို ယောကျာ်းများ ကြောက်ကြပါသလဲ။ မိန်းကလေးတိုင်း (၁၀)မျိုးထဲတွင် တစ်မျိုးမက နှစ်မျိုးပါဝင်နေမည်မှာ အေကန်မလွဲပင်။ သင်သည် ဘယ်လိုမိန်းကလေးမျိုးလဲ ကိုယ်ကို သုံးသပ်ဖူးပါသလား။

(၁) ညစ်ပတ်သောမိန်းမ
ညစ်ပတ်သောယောကျာ်းမှာ ချစ်သူရနိုင်သော်လည်း ညစ်ပတ်သော မိန်းကလေးကိုမူ နှာခေါင်းရှုံချင်ကြသည်။ မသန့်ရှင်းသော မိန်းကလေးများ၏ အိပ်ခန်းမှာ အမှိုက်ဗုံးများ ပေါက်ကွဲထားသလို ကျောချစရာမရှိအောင် ရှုတ်ပွနေတတ်သည်။ ပစ္စည်းတစ်ခု ပျောက်လျှင် လွယ်လွယ်နှင့် ရှာလို့မရတော့ပေ။ ၄င်းကဲ့သို့သော မိန်းကလေးသည် အပြင်ထွက်လျှင် ရှုပ်ပွနေသော အိတ်ထဲမှ သော့ကို အလွယ်တကူ ရှာမတွေ့ နိုင်တော့။ ၀တ်ထားသော အ၀တ်အစားမှာလည်း အ၀တ်လျှော်စက်ထဲက ယခုမှထုတ်လာသည့် အတိုင်းပင်၊ ၀တ်ထားသော အနွေးထည်မှာလည်း ကြယ်သီးများပြုတ်၊ ချုပ်ရိုးများ ပြေနေတတ်သည်။ လက်သည်း ခြေသည်းများလည်း ဂျီးများနှင့် မဲနေတတ်ပြီး ဆိုးထားသော လက်သည်းနီများလည်း ညီညာမှု မရှိပေ။ အဆိုးဆုံးမှာ စကားပြောဖို့ ပါးစပ်ဟလိုက်သည်တွင် အာပုပ်နံ့ရနေတတ်သည်။ သွားများတွင်လည်း ဟင်းဖတ်များ ကပ်နေတတ်သည့်အပြင် နုတ်ခမ်းနီများလည် ပေကျံနေတတ်သည်။

(၂)အတင်းပြောသောမိန်းမ
BMW ကုမ္ပဏီမှထုတ်သောကားများကို ယောကျာ်းများကြိုက်ကြသော်လည်း BMW (Big Mouth Women)မိန်းကလေးများကိုတော့ လန့်တတ်ကြသည်။ တစ်အိမ်တက်ဆင်းဖြင့် အတင်းပြောနေရလျှင် ထမင်းမေ့ ဟင်းမေ့သောသူဖြစ်သည်။ တစ်ခါတရံ သူမပြောသော စကားများသည် အမှန်ဖြစ်ကြောင်း ယောကျာ်းလေးများကို သူမအား ထောက်ခံရန် မဲဆွယ်တတ်သေးသည်။ တချို့ယောကျာ်းလေးများက မထောက်ခံလျှင် သူမသာ အမှန်ြဖစ်ကြောင်း ငြင်းချက်များထုတ်တတ်သေးသည်။ ထိုမိန်းကလေးမျိုးကို အိမ်ထောင်ပြုမိပါက ယောက္ခမနှင့် ချွေးမတို့၏ စစ်ပွဲ စတင်ခြင်းပင် ဖြစ်သည်။ ၄င်းအပြင် ဆွေမျိုးသားချင်း သူငယ်ချင်းများကပါ စက်ကွင်း မလွတ်နိုင်တော့ချေ။ အတင်းပြောတတ်သော အမှန်မကန် စကားပြောတတ်သော မိန်းကလေးများကို ယောကျာ်းလေးများသာမက မိန်းကလေးများလည်း ဝေးဝေးရှောင် နိုင်ရမည်။သူမ၏ အမှန်မကန် ပြောသော စကားလေပွေထဲတွင် ၀င်မပါမိအောင် သတိထားရမည်ဖြစ်သည်။

(၃)စကားများသောမိန်းမ
ထိုမိန်းကလေးမျိုးသည် စကားပြောရတွင် မိမိပြောချင်ရာ ဇွတ်ပြောတတ်သည် ၊ စဉ်းစားဆင်ခြင်မှု နည်းသည်။ မပြောသင့်သော စကားကို အချိန်အခါမဟုတ် မပြောထိုက်သောလူကို ပြောတတ်သည်။ ဆွေမျိုးသားချင်း သူငယ်ချင်းများကြားတွင် အထင်လွဲစရာဖြစ်အောင် ပြောခြင်း၊ သူတစ်ပါး သိက္ခာကျအောင် လေးစားမှု လျော့အောင်ပြောခြင်းများ ပြုလုပ်တတ်သည်။ ကိုယ်ကို သွက်လက်ချက်ချာသည်ဟု အထင်ကြီး နေတတ်သူဖြစ်သည်။

(၄) ခိုင်းနိူင်းတတ်သောမိန်းမ
ထိုမိန်းကလေးမျိုးသည် စိတ်အနှောင့်အယှက် အပေးဆုံးမိန်းကလေးဖြစ်သည်။ ဘယ်အရာမဆို နိူင်းယဉ်နေတတ်သည်။ တစ်ခြားမိန်းကလေး၏ ရည်းစား(သို့) ယောကျာ်းကို နိုင်းယှဉ်ကြည့်ပြီး အသုံးမကျသော ယောကျာ်းဟု၍ လက်ညိုးထိုး ပြီး ဆဲတတ်သော မိန်းကလေးမျိုးဖြစ်သည်။ တကယ်တမ်းဆိုရလျှင် အသုံးဝင်သော ယောကျာ်းကို သူမရွေးသင့်ပြီး ထိုအသုံးမ၀င်သော ရည်းစား(သို့) ယောကျာ်းအတွက် စိတ်မတိုနေသင့်ပေ။ တစ်ခြားသူနှင့် နိုင်းယဉ်ပြီး ဆဲနေစရာမလိုပေ။ မိမိ ရွေးယူထားသောကြောင့် မိမိကိုယ်သာ အပြစ်တင်ရမည်ဖြစ်သည်။ လူတိုင်းတွင် အရည်အချင်း တစ်ခုစီ ရှိတတ်ကြသည်။ ယောကျာ်းလေးတစ်ယောက် မိမိကိုယ်ကို ယုံကြည်မှုနည်းသွားအောင် တစ်ခြားလူနှင့် ခိုင်းနိုင်းပြီး မဆဲသင့်ပေ။ ထိုယောကျာ်းလေးအတွက် ကံမကောင်းဆုံးအရာ အသုံးမကျဆုံး အရာမှာ ထိုမိန်းကလေးမျိုးကို ရွေးမိခြင်းပင်ဖြစ်သည်။


(၅) နှုတ်ကြမ်းသောမိန်းမ
စကားပြောကြမ်းသော မိန်းကလေးမျိုးသည် လုပ်ငန်းခွင်တွင်ဖြစ်စေ ပတ်ဝန်းကျင်တွင်ဖြစ်စေ ဆက်ဆံရခက်သော မိန်းမဟု နာမည်ကြီးတတ်သည်။ ပစ္စည်းတစ်ခု သွားဝယ်သည်ဖြစ်စေ အစားသွားစားသည်ဖြစ်စေ ဆိုင်ဝန်ထမ်းနှင့် ရန်ဖြစ်ခဲ့ရမှ ကျေနပ်သော မိန်းကလေးမျိုးဖြစ်သည်။ ထိုမိန်းကလေးမျိုးနှင့် အတူအပြင်ထွက်မိလျှင် ရှက်လွန်း၍ မျက်နှာ ဖွက်ထားစရာမရှိ အောင်ဖြစ်တတ်သောကြောင့် သူမနှင့်မရင်းနှီးသလို ဟန်ဆောင်က ခပ်လှမ်းလှမ်းတွင် နေချင်ကြသည်။ ထစ်ခနဲဆို ရန်ဖြစ်ချင်သော နုတ်ကြမ်းသော မိန်းကလေးမျိုးကို လက်ထပ်ပြီး မိဘနှင့်အတူ နေရမည့် ပုံရိပ်ကို မြင်ယောင်ဖူးပါသလား။ ထိုမိန်းကလေးမျိုးကို ရွေးချယ်မည့်အစား သူမလောက် အသုံးမ၀င်သော၊ တုံးအသော၊ သာမန်သော မိန်းကလေးမျိုး ကိုသာ ယောကျာ်းလေးအများစုက ရွေးချယ်မည်ပင်။

(၆) သ၀န်တိုလွယ်သောမိန်းမ
ထိုမိန်းကလေးမျိုးသည် မိမိကိုယ်ကို ယုံကြည်မှုနည်းသလို တစ်ပါးသူကိုလဲ မယုံကြည်သော မိန်းကလေးဖြစ်သည်။ ယောကျာ်းလေး အသက်ရှူမချောင် နိုင်လောက်အောင် ချုပ်ချယ်တတ်သော မိန်းကလေးမျိုးလည်းဖြစ်သည်။ သံသယစိတ် ၀င်လာလျှင် ရှင်းပြတာကိုနားထောင်မနေတော့ သ၀န်တို စိတ်ကောက်ဖို့က ပထမပင်။ သူမ၏ရည်းစား(သို့) ယောကျာ်း၏ သူငယ်ချင်းများကိုလည်း မိမိရည်းစားနှင့် အပေါင်းအသင်းမလုပ်ရန် ပြောတတ်သောကြောင့် သူငယ်ချင်းများက ထိုမိန်းမမျိုးနှင့် ပတ်သက်သော ယောကျာ်းလေးကိုပါ ရှောင်လာတတ်ကြသည်။ ထိုအခါ ယောကျာ်းလေးမှာ အကျဉ်းချထားသလို ခံစားရသော်လည်း မိန်းကလေးမှာမှု ပျော်ရွှင်နေတတ်သည်။ လူဆိုသည်မှာ အဖွဲ့အစည်း အသိုင်းအ၀န်းနှင့် နေသော အမျိုးဖြစ်သည်။ အသက်ရှူရန် နေရာလေး တစ်ခု ချန်မထားဘဲ ချုပ်ချယ်တတ်သော ထိုမိန်းကလေးမျိုးကို ယောကျာ်းလေးများက ရှောင်ချင်ကြသည်။

(၇) တုံးအသောမိန်းမ
အာလာဒင် ပုံပြင်ကို နားထောင်ဖူးကြပါသလား။ ထိုပုံပြင်ထဲက အာလာဒင်၏ တုံးအသော မိန်းမသည် မသိနားမလည်သည်ကို မမေးဘဲ ဆီမီးခွက်ကို ခွက်စုတ်ဟု အထင်ဖြစ် ရောင်းလိုက်ဖူးသည်။ ထိုမိန်းကလေးမျိုးသည် ဥစ္စာပစ္စည်းပေါ်တွင်ဖြစ်စေ အတွေးအခေါ်ပိုင်းတွင် ဖြစ်စေ အလွယ်တကူ အလိမ်မိတတ်
သည်။ ယခုခေတ်တွင် ထိုကဲ့သို့ တုံးအသော မိန်းကလေးမျိုး နည်းပါးသွားပြီလား။ ထက်မြက်ပြီး တွေးခေါ်ဆင်ခြင်ဥာဏ် ရှိသော မိန်းကလေးမျိုးကို ယောကျာ်းလေးက လေးစားသော်လည်း တုံးအသော မိန်းကလေးမျိုးမှာမှု ယောကျာ်းလေးအတွက် ဆူးညှောင့်ခလုတ် တစ်ခုလိုပင်။ ယခုခေတ် မိန်းကလေးများသည် မိမိကိုယ်ကို ထက်မြက်မှု အပြည့်အ၀နှင့် ယုံကြည်မှု ရှိနေသင့်သည်။ သူတစ်ပါးကြင်နာလာအောင် တုံးအ ဟန်ဆောင် မနေသင့်ပေ။ တုံးအတိုင်း အပြစ်မဲ့သည် မဟုတ်။ တုံးအလျှင် ဖယ်ထုတ်ခြင်းခံရမည်မှာ ဧကန်မလွဲပင်။


(၈) ငွေသုံးကြမ်းသောမိန်းမ
Shopping Mechine ကဲ့သို့သော မိန်းကလေးမျိုးမှာ လိုအပ်သည်ဖြစ်စေ မလိုအပ်သည်ဖြစ်စေ ပစ္စည်းအ၀ယ်ကြမ်းသော သူဖြစ်သည်။ ယောကျာ်းလေး အနည်းစုမှာ ထိုမိန်းကလေးမျိုးနှင့် ကြုံရန် မကြောက်ကြသော်လည်း အကောင်းမြင် အမြင့်ကြိုက်သော သူမအတွက် မိမိအိတ်ထဲမှ ငွေများ အလာဟသ စီး
ဆင်းကုန်မည်ကို ကြောက်တတ်ကြသည်။ ဥစ္စာ ပစ္စည်းထဲတွင်သာ နစ်မျှောနေတတ်သော မိန်းကလေးမျိုးသည် အများအားဖြင့် စိတ်သဘောထား သေးသိမ်တတ်သည်။ တစ်ကိုယ်ကောင်း ဆန်တတ်သည်။ စိတ်တိမ်းညွတ် လွယ်သည်။ လိုချင်သော ပစ္စည်းရရန် မိမိကိုယ်ကို သစ္စာဖောက်ခြင်း၊ တန်ဖိုးမထားခြင်းများဖြင့် ရမ္မက်အိုင်ထဲတွင် နစ်နေတတ်ကြသည်။ မြင်သမျှ ၀ယ်ယူတတ်သော မိန်းကလေးမျိုးနှင့် ဈေးသွားလည်ဖူးသော ယောကျာ်းလေးများမှာ ရင်ထဲတွင်နာကျင် နှမြောသမျှကို ဖုံးကွယ်ရင်း ဒုတိယအကြိမ် သွားရမည်ကို ခေါင်းခါကြမည်ပင်။

(၉) လမ်းခွဲစကားပြောလွယ်သောမိန်းမ
ဘာမဟုတ်သော ကိစ္စလေးတခုဖြင့် လမ်းခွဲဖို့ပြောတတ်သော ထိုမိန်းကလေးမျိုးသည် တကယ့်ခွါရခက်သော မိန်းကလေးမျိုးဖြစ်သည်။ လမ်းခွဲကြစို့ဟု အမြဲပြောတတ်သည်မှာ သူမ၏ အကျင့်တစ်ခုလို ဖြစ်နေသည်။ တကယ်တမ်း ယောကျာ်းလေးဘက်က လမ်းခွဲတော့မည်ဆိုလျှင် ငိုယိုပြီး လက်မခံတော့။ လမ်းခွဲစကားပြောခြင်းသည် အခံရခက်သော ဝေဒနာတစ်ခု ဖြစ်သည်။ ပြောသူက အကျင့်တစ်ခု အနေဖြင့် ပြောသော်လည်း ခံရသူမှာ တစ်ခါပြောတိုင်း တစ်ခါ အသဲနင့်အောင် ခံစားရတတ်သည်။ နှလုံးသားတွင် အမာရွတ်အထုံး များကျန်နေခဲ့တတ်သည်။ တကယ့် လမ်းခွဲတော့မည်ဆိုလျှင် တစ်ကြိမ်ထဲဆုံးဖြတ် တစ်ခါထဲ လမ်းစဖျောက်လိုက်တာက ခံရပိုသက်သာဦးမည်။ လမ်းခွဲစကားဖြင့် တစ်ဖက်သားကို ခြိမ်းခြောက်နေသောသူသည် နုံအသောသူသာလျှင်ဖြစ်သည်။

(၁၀) ချွဲနွဲ့လွန်သောမိန်းမ
မိန်းကလေးတိုင်းချွဲနွဲ့တတ်သည်မှာ သဘာဝပင်ဖြစ်သည်။ သို့သော် အချွဲနွဲ့လွန် မိန်းကလေးများမှာ လူအမြင်ကပ်စရာဖြစ်သည်။ ထိုမိန်းကလေးမျိုးသည် အမြဲတမ်း အချော့ခံချင်၊ လူတွေဂရုစိုက်နေတာကို ခံချင်နေသော မိန်းကလေးမျိုးဖြစ်သည်။ လူရှေ့တွင် စကားပြောလျှင် နုတ်ခမ်းလေး ဟချင် မဟချင်နှင့်(ခေတ်စ
ကားနှင့်ပြောရလျှင် ဘဲများလွန်းနေခြင်းဖြစ်သည်) လူကွယ်ရာတွင်မှု ဆန့်ကျင်ဖက် ဖြစ်နေတတ်သည်။ ယခုခေတ် မိန်းကလေးများသည် တဖက်သား သနားကြင်နာလာအောင် ညုာတာလာအောင် ဟန်ဆောင်ချွဲနွဲ့ပြီး အားနွဲ့ မနေသင့်တော့ပေ။ ယောကျာ်းလေးတွေနှင့် တန်းတူ မဟုတ်တောင် ယောကျာ်းလေးနီးနီး လုပ်နိုင်ကိုင်နိုင်စွမ်း ရှိကြောင်းကို ပြသင့်သောအချိန်ပင်ဖြစ်သည်။
...............................................................................................................................................

ရှောင်သင့်သောယောက်ျားများ

သမီးရည်းစားဖြစ်နေတဲ့အချိန်ဟာ တစ်ယောက်အကြောင်း တစ်ယောက်နားလည်ဖို့ သင်ယူနေတဲ့အချိန်ပါ။ ကိုယ်ရဲ့အကျင့်စရိုက်ကို နားလည်အောင် သင်ယူနေသလို တစ်ခြားလူတစ်ယောက်ရဲ့ အကျင့်စရိုက်တွေကိုလည်း နားလည်အောင် သင်ယူနေတဲ့ အချိန်ပါ။ အဲဒီလိုတစ်ယောက်အကြောင်း တစ်ယောက် နားလည်အောင် သင်ယူနေတဲ့အချိန်မှာ မလိုအပ်တဲ့ အမှားတွေကို ရှောင်တတ်ဖို့လိုပါတယ်။ ဘ၀မှာ ပျော်ရွှင်မူမပေးနိုင်ဘူးလို့ထင်တဲ့ ယောက်ျားလေးတွေကို ရှောင်တတ်ရပါမယ်။

(၁) playboys/lady killers

ဒီလိုယောက်ကျားလေးတွေဟာ မိန်းကလေးတွေကို သဘောကျလောက်အောင် ပြုမူပြောဆိုတတ်တဲ့လူတွေပါ။ အဲဒါတွေဟာ စိတ်ထဲက အမှန်စစ်စစ်တွေ မဟုတ်ပါဘူး။ သူတို့ဟာ ကိုယ့်အပေါ်မှာကောင်းသလို တစ်ခြားကောင်မလေးတွေ အပေါ်မှာလည်း ကောင်းတတ်ကြပါတယ်။ ကိုယ့်က အဲလိုယောက်ျားလေးကိုမှ အမှန်တကယ်ချစ်မိပြီဆိုရင် ကိုယ်ပဲခံစားရမှာပါ။

(၂) bad boys/rebels

လင်ဆိုးမယား တဖားဖားဆိုသလိုပါပဲ။ ဒီလိုယောက်ျားလေးကိုမှ ချစ်မိခဲ့ရင် ကိုယ့်ရဲ့အနာဂတ်ဟာ ပျော်ရွှင်ဖို့ လှမ်းဝေးလှပါတယ်။ ဦးနှောက်ရှိတဲ့ မိန်းကလေးတိုင်း ဒီလိုယောက်ျားမျိုးကို ရှောင်သင့်ပါတယ်။

(၃) slackers

ကပ်ပါးကောင်တွေလိုပါပဲ။ အပြင်ထွက်တိုင်း ပိုက်ဆံအိတ်မေ့ခဲ့တယ်၊ ငွေထုတ်ဖို့မေ့ခဲ့တယ်လို့ အကြောင်းပြပြီး မိန်းကလေးတွေကို ပိုက်ဆံရှင်းခိုင်းတတ်တဲ့ လူမျိုးဖြစ်ပါတယ်။ ဒီလိုမျိုးလူကို လှူမဲ့အစား လမ်းဘေးက အလှူခံတွေကို လှူခဲ့သင့်ပါတယ်။

(၄) mama's boys

အီတလီယောက်ျားလေးတွေဟာ မင်္ဂလာဆောင်ပြီးရင်လည်း အမေနဲ့ပဲ နေချင်ကြပါတယ်။ အမေဟာသူတို့ကို ကောင်းကောင်း ပြုစုနိုင်လို့ပါတဲ့။ မင်္ဂလာဆောင်ပြီးရင်လည်း ဘာမဆို အမေရဲ့ အဆုံးအဖြတ်၊ အမေကျွေးတာကိုပဲ စားမယ်၊ အမေနဲ့ ခွဲမအိပ်နိုင်သေးဘူးလို့ ပြောတဲ့ နို့နံ့မစင်သေးတဲ့ ယောက်ျားတစ်ယောက်ကို ယူရဲပါသလား။

(၅) moody type

ပျော်ပျော်ရွှင်ရွှင်နဲ့ ချစ်စရာစကားတွေ ပြောနေတုန်း အခုပဲ ထပေါက်ကွဲတတ်တဲ့ စိတ်အပြောင်းအလဲ မြန်တဲ့ယောက်ျားမျိုးပါ။ တစ်နေရာရာကို ကိစ္စတစ်ခုနဲ့သွားဖို့ သေချာချိန်းထားပြီးခါမှ ချက်ချင်း ဖျက်ပစ်လိုက်တတ်တဲ့ လူမျိုးပါ။ စိတ်အပြောင်းအလဲဟာ ရာသီဥတုထက် ပြောင်းလွဲမြန်ပါတယ်။ ဒီလိုလူရဲ့စိတ်ကို ငြိမ်အောင် မစွမ်းဆောင်နိုင်ဘူးဆိုရင် ကိုယ်ရဲ့ ပျော်ရွှင်မူဟာလည်း နေသာလိုက်၊ မိုးရွာလိုက်၊ မုန်းတိုင်းထန်လိုက်ပါပဲ။

(၆) passive-aggressive type

ဒီလိုယောက်ျားလေးမျိုးကို ကြုံဖူးပါသလား။
ဆိုပါစို့...တစ်ခုခုသွားစားရင် ''ခင်ကြိုက်တာစားပါ .. ခင်ကြိုက်တာမှာပါ'' ဆိုပြီး အစားအစာတွေ လာချတဲ့အချိန် ဘာလို့ ဒီဟင်းကိုမှာရတာလဲ .. ဘာလို့ ဒီဆိုင်မှာ လာစားရတာလဲ စသဖြင့်ရန်လိုတတ်သော လူစားမျိုးပါ။ သူ့စိတ် ထဲက စိတ်ကူးကို ထုတ်ဖော်မပြောပဲ လူတွေကို ခန့်မှန်းခိုင်းတတ်တဲ့ လူစားမျိုးပါ။ ကိုယ်သဘောလို့ပြောပြီး နောက်ဆုံးတော့ သူ့သဘော ဖြစ်သွားတတ်တဲ့ လူစားမျိုးပါ။ ဒီလိုသွယ်ဝိုက်ပြီး လူကို ထိန်းချုပ်တတ်တဲ့ ယောက်ျားမျိုးဟာ ကြောက်စရာ အကောင်းဆုံးပါပဲ။

သင်ဟာ ဘယ်လိုယောက်ျားမျိုးလဲ။
သင်ဟာ ဘယ်လို ယောက်ျားမျိုးကို လက်ထပ်ယူချင်ပါသလဲ။ ဆီလျှော်အောင် ဘာသာပြန်ထားခြင်းသာဖြစ်သည်။
......................................................................................................................................................................

ယောက်ျားများကိုထိန်းနည်း

ဒီဘလော့ခ်ကို မျက်စိလည် လမ်းမှားပြီး ရောက်လာသူများ သည်းခံပြီး ဖတ်ပေးကြပါ။ အိမ်မှာ အင်တာနက်မရလို့ ဘလော့ခ်ပေါ် စာမတင်နိုင်တာကြာပါပြီ။ အင်တာနက်မရလို့ အားနေလည်း စာမရေးဖြစ် မဖတ်ဖြစ်ပါဘူး။ ပူလွန်းတဲ့ရာသီဥတုကြောင့် လေညှင်းပဲခံဖြစ်နေပါတယ်။ ဒါကြောင့် ရေးပြီးသားတွေကို ပလန်းနက်ကနေယူလာ ပြီးထင်လိုက်ပါတယ်။ အိမ်မှာလို့ စိတ်တိုင်းကျ မလုပ်နိုင်တဲ့အတွက် စာတွေဟာ ရှေ့မညီ နောက်မညီတွေဖြစ်နေပါတယ်။ ကျေးဇူးတင်ပါတယ်။

ပလန်းနက်မှာ အရင်က တင်ခဲ့ဖူးတာလေး ထပ်တင်လိုက်ပါတယ်။ ဒီလို ခပ်ဆင်ဆင်ပို့စ်ကို တင်တဲ့အတွက်ကြောင့် အပြောတွေ အများကြီး ခံခဲ့ရဖူးပါတယ်။ သူတို့ပေးထားတဲ့ ကော့်မက်ကို ကြည့်ခြင်းအားဖြင့် သိနိုင်ပါတယ်။ ၀က်ဒ်ဆိုက်တစ်ခုမှာ ဖတ်မိလို့ ဘာသာပြန် ထားခြင်းဖြစ်ပါတယ်။ စာရေးသူတိုင်းရဲ့ စာတိုင်းဟာ အကျိုးရှိတာတွေ၊ အကောင်းတွေပဲလို့ မပြောနိုင်ပါဘူး။ ကိုယ့်စိတ်နဲ့ မကိုက်ညီတဲ့ အချိန်တွေမှာ တစ်ခြားလူအတွက် ဘယ်လောက်ပဲ ကောင်းနေနေ ကိုယ့်အတွက် အသင့်အသင့်ပဲရှိတဲ့ စာတွေလည်း ရှိနိုင်ပါတယ်။ ကိုယ်ကောင်းမယ်ထင်တဲ့ဟာကို စိတ်ထဲမှာ မှတ်ထားပြီး မကောင်းတာကို မေ့လိုက်တာ အကောင်းဆုံးပါ။ အခုလည်း ဒီဘလော့ခ်ထဲက ကောင်းမယ်ထင်တာတွေ ကောင်းသလို ကော့်မက်ပေးလို့ရသလို မကောင်းဘူးဆိုလည်း မကောင်းကြောင်း ပွင့်ပွင့်လင်းလင်း ကော့်မက်ပေးကြပါလို့။ ကျေးဇူးအထူးတင်ပါတယ်။

ယောကျာ်းများကိုထိန်းနည်း ၄ နည်းရှိသည်။
၁. အစားကောင်းများဖြင့်ထိန်းနည်း (အစာအိမ်ကိုထိန်းနည်း)
၂. ပိုက်ဆံကိုထိန်းနည်း
၃. လူကိုထိန်းနည်း
၎. မိမိကိုယ်ကိုထိန်းနည်း

၁. အစားကောင်းများဖြင့်ထိန်းနည်း (အစာအိမ်ကိုထိန်းနည်း)

နံပါတ်တစ်နည်းကို အသုံးပြုသော မိန်းကလေးသည် သဘောထား အဖြူစင်ဆုံးဖြစ်သည်။ ထိုမိန်းကလေးမျိုးကို အိမ်ထောင်ဖက် အဖြစ်ရွေးချယ်သော ယောကျာ်းသည် ကံကောင်းသောသူဖြစ်သည်။ သူမသည် သူချစ်သော ယောကျာ်းကို လွတ်လပ်ခွင့် ပေးထားသောကြောင့်ဖြစ်သည်။ သူမအတွက် တစ်ခုသော မျှော်လင့်ချက်မှာ မိမိ ပြင်ဆင်ချက်ပြုတ်ထားသော အရသာရှိရှိ ထမင်းကောင်း ဟင်းလျှာများကို မိမိယောကျာ်းက အချိန်မှန်မှန်ပြန်လာ စားရန်သာဖြစ်သည်။

၂. ပိုက်ဆံကိုထိန်းနည်း

နံပါတ်နှစ်နည်းကို အသုံးပြုသော မိန်းကလေးသည် လည်လွန်းသောသူဖြစ်သည်။ ငွေသည် ယောကျာ်း၏အသက်၊ ငွေသည် ယောကျာ်း၏မာန၊ ယောကျာ်းများကို ငွေဖြင့် ထိန်းချုပ်ခြင်းသည် အထိရောက်ဆုံးဟု ထင်မြင်ထားသောကြောင့်ဖြစ်သည်။ မိန်းကလေးအများစုသည် ဒီနည်းကို ကြိုက်ကြသည်။ သူမ၏မျက်စိထဲတွင် ငွေဖြင့်အရာရာကို မြန်မြန်ဆန်ဆန် ပြီးနိုင်သည်ဟု မြင်ထားသောကြောင့်ဖြစ်သည်။

၃. လူကိုထိန်းနည်း

နံပါတ်သုံးနည်းကို အသုံးပြုသော မိန်းကလေးသည် ဆင်ခြင်စဉ်းစားဥာဏ် နည်းသောသူဖြစ်သည်။ ယောကျာ်းတစ်ယောက်ကို လွတ်လပ်ခွင့်မပေးဘဲ ကြိုးချည်ပြီး ထိန်းချုပ်ထားချင်သော မိန်းကလေးသည် ဒီနည်းကိုအသုံးပြုလေသည်။ ဘယ်ယောကျာ်းမျှ မိန်းကလေးတစ်ယောက်၏ ကြိုးဆွဲရာတွင် လိုက်မကချင်ကြ၊ နွားဖာကြိုးဆွဲပြီး စေလိုရာစေ ဆိုတာမျိုးကို မခံချင်ကြပေ။ ဒီနည်းကိုအသုံးပြုသော မိန်းကလေး၏ အိမ်ထောင်ရေးသည် နေ၀င်ချိန် နီးနေပြီဖြစ်ကြောင့် ခန့် မှန်းနိုင်သည်။

၎. မိမိကိုယ်ကိုထိန်းနည်း

နံပါတ်လေးနည်းကို အသုံးပြုသော မိန်းကလေးသည် အသိဥာဏ် ပညာရှိသော သူဖြစ်သည်။ ထိုမိန်းကလေးမျိုးသည် လောကကြီးသည် မမြဲခြင်းတရား ပိုင်ဆိုင်ထားသည်ကို သေချာ နားလည်ထားသောကြောင့်ဖြစ်သည်။ ယောကျာ်းများကို အစားကောင်းဖြင့်ဖြစ်စေ ၊ ငွေကြေးဖြင့်ဖြစ်စေ၊ လူကိုဖြစ်စေ အရာရာကို ပိုင်ဆိုင်နိုင်ပြီး မိမိကိုယ်ကို မထိန်းနိုင်ပါက လူဖြစ်ရသည်မှာ အဓိပ္ပါယ် ကင်းမဲ့လှသည်ဟု ယုံကြည်ထားသောကြောင့်ဖြစ်သည်။

မိန်းကလေး တစ်ယောက်ဖြစ်လျှင် မိမိကိုယ်ကို ထိန်းချုပ်နိုင်ရမည်။ တစ်ပါးသူအတွက် အသက်ရှင်နေခြင်း မဟုတ်ပဲ မိမိဘာသာ ရပ်တည်နိုင်သော၊ ပျော်ရွှင်မှုကို ရှာနိုင်သော မိန်းကလေးဖြစ်ရမည်။

အရာရာကို ဆင်ခြင်တုံတရားဖြင့် ခွင့်လွတ်နေတတ်ရမည်။ ထိုမိန်းကလေးမျိုး၏ စိတ်သည် အမြဲတည်ငြိမ်နေသည်။ မိမိယောကျာ်းသည် မည်မျှပင် ချမ်းသာပါစေ ထိုစည်းဇိမ်တွင် သူယစ်မူးမနေပေ။ မိမိလုပ်နိုင်သမျှ၊ ရှာနိုင်သမျှကို လုပ်ရင်းဘ၀ကို ရိုးရိုးရှင်းရှင်းဖြစ် ကုန်လွန်စေချင်သော မိန်းကလေးမျိုးဖြစ်သည်။

မိမိကိုယ်ကို အသိတရားဖြင့်ထိန်းချုပ်နိုင်သော မိန်းကလေးမျိုးသည် မိမိယောကျာ်းက ကိုယ်ကိုထားခဲ့၊ ချစ်သူက ထားခဲ့ပါစေ၊ ဖြစ်လာသမျှကို ပြုံးပြုံးလေးနှင့် ရင်ဆိုင်နိုင်သော မိန်းကလေးဖြစ်သည်။ အဘယ်ကြောင့်ဆိုသော် သူမ၏အသက်သည် ယောကျာ်းအတွက် ချစ်သူအတွက် မဟုတ်၊ မိမိကိုယ်ကို အတွက်သာဖြစ်သည် ဟု နားလည်ထားသောကြောင့်ဖြစ်သည်။

သင်သည် ဘယ်လိုမိန်းကလေးမျိုးလဲ
သင်သည် ဘယ်လိုမိန်းကလေးမျိုးကို လက်ထပ်ယူချင်ပါသလဲ။

ဆုံးရှုံးသွားမှ တန်ဖိုးထားရကောင်းမှန်း နားလည်ခဲ့လား?
ကိုယ့်ဘ၀ကနေ ထွက်သွားတော့မှ နှမြောတသ လွမ်းဆွတ်နေမလား?
သူ့တို့ရဲ့ပုံပြင်လေးတွေကို ဖတ်ပြီး ကိုယ့်စိတ်ကို ပျော့ပြောင်း(နူးညံ့) ကြည့်ရအောင်...

ပုံပြင် (၁)


ပုံပြင် (၂)

ကျွန်တော်ရဲ့ သူမက စကားနည်းတယ်။
ချစ်သူဖြစ်ပြီး အိမ်ထောင်ကျတဲ့အထိ စကားကို သူကစပြောတယ်ဆိုတာ မရှိခဲ့ဘူး။ ပျော်ပျော်ရွှင်ရွှင်နဲ့ ပြုံးရယ်တာမျိုးဆိုရင် ဝေလာဝေးပေါ့။ တစ်ခုခုဖြေရင်လည်း အသက်မပါသလိုဆိုတော့ ကျွန်တော်တို့ လင်မယားရဲ့ ပေါင်းသင်းဆက်ဆံရေးက သူစိမ်းနဲ့ သိပ်မကွာခဲ့ဘူး။ ကြာလာတော့ သူ့ကို ဘာကြောင့် လက်ထပ်ခဲ့ရသလဲဆိုပြီး ကိုယ့်ကိုယ်ကို မုန်းခဲ့မိတယ်။

အခုတစ်လော အလုပ်ကိစ္စနဲ့ ကျွန်တော် လအတန်ကြာ ခရီးထွက်ဖို့ အကြောင်းဖန်လာတယ်။ ခရီးထွက်မယ့်ညက သန်းခေါင်ယံမှာ ကျွန်တော်လန့်နိုးလာခဲ့တယ်။ ဘေးမှာအိပ်နေတဲ့ သူ့ကို မတွေ့လို့ ကျွန်တော်ထကြည့်လိုက်တော့ ဘုရားခန်းမှာ ငုတ်တုတ်လေးထိုင်ပြီး ဆုတောင်းနေတဲ့ သူ့ကိုတွေ့လိုက်တယ်။ "အရှင်ဘုရား... တပည့်တော်မရဲ့ ခင်ပွန်း သွားလမ်းလာလမ်း ဖြောင့်ဖြူးပါစေ။ ဘေးမသီရန်မခပါစေနဲ့ ဘုရား"
ကျွန်တော့်အချစ်ဆုံးကို ကျွန်တော်ရှာတွေ့ခဲ့ပြီဆိုတာ အနှစ် ၃၀ ကြာမှ ကျွန်တော် သိလိုက်ရတယ်။


ပုံပြင် (၃)

မှတ်မိပါသေးတယ်။ တစ်ခါက နင်မွေးထားတဲ့ ကြောင်ကလေး ပျောက်သွားလို့ နင်ရက်အတော်ကြာ ၀မ်းနည်းခဲ့တယ်။ နင့်ကို နှစ်သိမ့်ချင်တဲ့ငါ အရုပ်ဆိုင်မှာ နင့်အတွက် ကြောင်ရုပ်လေးတစ်ကောင် ၀ယ်ပေးခဲ့တယ်။

"ကြောင်က ပျောက်သွားပေမယ့် သူ့ဘာသာအိမ်ပြန်လာတတ်တယ်။ အခုတော့ ဒီအရုပ်ကိုပဲ ခဏအစားထိုးရတော့မှာပေါ့"
ရီဝေေ၀မျက်လုံးနဲ့ အဲဒီအချိန်တုန်းက နင်ပြောခဲ့တဲ့ စကားကို ငါသိပ်နားမလည်ခဲ့ဘူး။ နီးလိုက်ဝေးလိုက်နဲ့ ငါတို့ရဲ့အဖြစ်တွေက တစ်ခုခုကို မျှော်လင့်စောင့်စားနေသလိုပဲ။ သူ့ရင်ခွင်ထက်မှာ ပြုံးပျော်နေတဲ့နင့်ကို တွေ့လိုက်ရတဲ့ အချိန်ကျမှ နင့်စကားကို ငါနားလည်ခဲ့တော့တယ်။ တကယ်တော့ ငါဟာ နင့်အတွက် အစားထိုးစရာ အရုပ်ပဲဖြစ်ခဲ့တယ်။


ပုံပြင် (၄)

အဲဒီနှစ်က စီးပွားရေးမကောင်းလို့ အလုပ်ဖြုတ်တဲ့အထဲမှာ ကံမကောင်းစွာ ကျွန်တော်ပါသွားခဲ့တယ်။ အလုပ်လက်မဲ့ငါ့ကို ချစ်သူကလည်း စွန့်သွားခဲ့တယ်။ အဲဒီညက စိတ်ညစ်ညစ်နဲ့ ကျွန်တော်အရက်ဘား ရောက်သွားပြီး အဲဒီမှာသူနဲ့ ဆုံခဲ့တယ်။

သူနဲ့သိတဲ့ တစ်လ နှစ်လအတွင်း သူ့ရင်ခွင်မှာ ကျွန်တော်မူးလဲခဲ့တာ အကြိမ်ပေါင်း မနည်းခဲ့ဘူး။ မူးနေတဲ့ ကျွန်တော့်ကို သူဂရုတစိုက် ပြုစုခဲ့တယ်။ ခရစ်စမတ်ညက စားသောက်ဆိုင်တစ်ခုမှာ ကျွန်တော်တို့ ထမင်းအတူစားနေတုန်း သူ့ဘယ်ဖက် လက်သူကြွယ်က လက်စွပ်ကို အမှတ်မထင် ကျွန်တော်တွေ့လိုက်မိတယ်။

"လက်ထပ်ပြီလား"
"မဟုတ်ပါဘူး.. လှလို့ စွပ်ထားတာ"

သူ့စကားကို ကြားတာနဲ့ သူ့လက်ကိုဆွဲပြီး အနီးဆုံး လက်ဝတ်ရတနာဆိုင်ကို သွားခဲ့တယ်။ ကျွန်တော်စုထားတဲ့ ပိုက်ဆံနဲ့ သူ့အတွက် လက်စွပ်တစ်ကွင်း ၀ယ်ပေးလိုက်ပြီး "ဒီညတော့ ဘတ်စ်ကားနဲ့ပဲ ပြန်ရတော့မယ်" လို့ ကျွန်တော်နောက်တော့ သူမျက်ရည်ဝဲပြီး ခေါင်းငုံ့လိုက်တာကို တွေ့လိုက်မိတယ်။

ကျွန်တော်တစ်ခြားမြို့ကို ပြောင်းခါနီး သူနဲ့နောက်ဆုံးတစ်ကြိမ် တွေ့ဖြစ်တယ်။ ကျွန်တော်အင်္ကျီကော်လံကို သူဆွဲဆန့်ပေးရင်း နဖူးက ချွေးတွေကို သူသုတ်ပေးခဲ့တယ်။ "လိုအပ်ရင် သုံးဖို့ ယူသွားနော်" ဆိုပြီး ကျွန်တော့်အိတ်ထဲ ငွေတစ်ချို့ ထိုးထည့်ပေးတယ်။ ဒီလိုနဲ့ မြို့လေးနဲ့အတူ သူ့ကို ကျွန်တော်ခွဲခဲ့တယ်။

လေး၊ ငါးနှစ်ကြာတော့ ကျွန်တော်ကိုယ်ပိုင် ကုမ္ပဏီတစ်ခု ထောင်နိုင်ခဲ့တယ်။ အ၀တ်ဘီရိုကို ရှင်းလင်းပြီး မ၀တ်ဖြစ်တာ ကြာပြီဖြစ်တဲ့ ကုတ်အင်္ကျီကို ကျွန်တော်မီးပူတိုက်တော့ အင်္ကျီအိတ်ထဲက မာတာတာအရာတစ်ခုကို တိုက်မိတယ်။ ထုတ်ကြည့်မိတော့ လက်ကိုင်ပုဝါနဲ့ထုပ်ထားတဲ့ လက်စွပ်တစ်ကွင်းကို တွေ့လိုက်မိတယ်။ ခရစ်စမတ်ညက သူ့လက်မှာ ကျွန်တော်တပ်ဆင်ပေးခဲ့တဲ့ လက်စွပ်နဲ့ ပုံစံတူ လက်စွပ်တစ်ကွင်းကို တွေ့လိုက်မိတယ်။ လက်စွပ်တစ်စုံထဲက တစ်ကွင်းကိုပဲ အဲဒီညမှာ ကျွန်တော်ဝယ်ခဲ့တယ်ဆိုတာကို သတိရလိုက်မိတယ်။

အခုချိန်ကျမှ နောင်တ၊ တာဝန်မဲ့မှုနဲ့ အားနာမှုတွေက ကျွန်တော့်ရင်မှာ ပြည့်နှက်နေတော့တယ်။

ဒဏ်ရာ အနာတရတွေ ထင်ကျန်ခဲ့မှ ဘ၀အကြောင်း၊ အချစ်အကြောင်းကို နားလည်နိုင်မှာလား...? လူတစ်ချို့ရဲ့ ဘ၀က သဲအသွင်းခံရတဲ့ ကမာကောင်နဲ့တူတယ်။ စိတ်ပျက်ဝမ်းနည်းခြင်း အခက်အခဲတွေကို ပုလဲတစ်လုံးဖြစ်အောင် ပြောင်းလဲနိုင်ကြတယ်။
.............................................................................................................................................................................

ဘ၀နဲ့ အချစ်

ဘ၀ဆိုတာ လမ်းမရှည်ကြီးတစ်ခုနဲ့ တူတယ်။ အဲဒီလမ်းက မသိခြင်း၊ အံ့သြခြင်းတွေနဲ့ ပြည့်နှက်နေတယ်။

ဘ၀ဆိုတာ ရွေးချယ်မှု ပုဒ်စာနဲ့တူတယ်။ ရွေးချယ်တာနောက်လိုက်ပြီး ကြုံတွေ့တာတွေ ကွာခြားသွားတယ်။

ဘ၀ဆိုတာ ပြိုင်ပွဲတစ်ခုနဲ့တူတယ်။ အနိုင်အရှုံးက အရေးမကြီးဘူး။ အဓိကက ဖြတ်သန်းခဲ့တဲ့ အတွေ့အကြုံပဲ။

ဘ၀ဆိုတာ ရေနွေးကြမ်းတစ်ခွက်နဲ့ တူတယ်။ သောက်စမှာ ခါးသက်ပေမယ့် ဇိမ်ခံသောက်ကြည့်ရင် ချိုမြမြ အရသာကို နောက်ဆုံးမှာ ခံစားရတယ်။

ဘ၀ဆိုတာ ပြဇာတ်တစ်ပုဒ်နဲ့တူတယ်။ လူတစ်ချို့က ကိုယ့်ကိုယ်ကို ထွန်းတောက်အောင် သရုပ်ဆောင်တတ်ပေမယ့် တစ်ချို့က အရံအဖြစ်နဲ့သာ တစ်သက်လုံး သရုပ်ဆောင်ကြတယ်။

ဘ၀ဆိုတာ လှိမ့်နေတဲ့ ကျောက်ခဲတစ်လုံးနဲ့တူတယ်။ ငယ်ရွယ်စဉ် ချွန်ထက်နေတဲ့ ကျောက်ခဲမှသည် အိုမင်းချိန် လုံးချောတဲ့ ကျောက်ခဲအဖြစ်သို့ လှိမ့်နေရတယ်။

ဘ၀ဆိုတာ ၀င်္ကဘာတစ်ခုနဲ့တူတယ်။ ထွက်လမ်းတွေကို မပြတ်ရှာရင်း ကိုယ်နဲ့သင့်တော်မယ့်လမ်း တစ်ခုကို ရှာကြရတယ်။


အချစ်ဆိုတာ ပူနွေးမွေးကြိုင်နေတဲ့ ကော်ဖီတစ်ခွ